Градоначалникот на Куманово, Зоран Дамјановски денеска ги посети жителите на село Табановце и им вети дека заедно ќе создадат урбано место за живеење, ќе изградат пат, но и ќе се залагаат за нови вработувања.
– Табановце е мултиетничка заедница, која има единствено училиште, во кое наставата се изведува на три јазика. Изградивме спортски терен во самото училиште, пат во должина од 1,8 км пат до Сланиште, а ќе направиме уште еден дел од вертикалата. Ќе бидеме упорни, ќе аплицираме во европските фондови. Овде не се само комуналните проблеми, туку и економски проблеми. Имаме млади луѓе, невработеност, ова е претежно земјоделско население – истакна градоначалникот Дамјановски.
На граѓаните им се обрати и носителот на советничка листа, Максим Димитриевски кој истакна дека со оваа советничка листа ќе покажат дека СДСМ е поблизок до народот.
– Она што првенствено е важно е дека во Република Македонија владее посредничка демократија, тоа значи механизмот на одлучување преку советници треба да се стави на располагање на граѓаните. Со наши меѓусебни контакти, размена на идеи и нивна имплементација во самиот совет, советник не е привилегиран граѓанин, туку преку него даваме можност граѓани сами да одлучите за нашиот град – изјави Димитриевски.
Елена Георгиевска