Во НБА лигата ноќеска беа одиграни 14 натпревари, а првакот Мајами ја продолжи низата победи и сега имаат вкупно 16 по ред. Малку кој очекуваше дека Орландо, кој вкупно има само 17 победи, ќе му биде ривал на шампионот за неизвесна завршница.
Победоносниот кош го постигна Леброн Џејмс на 3.2 секунди до крајот. Џејмс натпреварот го заврши со 26 поени, Двејн Вејд имаше 24, а Крис Бош 17 поени и 10 скокови.
Енигма за домашната одбрана беше центарот на Орландо, Црногорецот Никола Вучевиќ кој имаше 25 поени и 21 скок.
Резултати на ноќеска одиграните НБА дуели: Шарлот – Бруклин 78:99, Кливленд – Јута 104:101, Индијана – Бостон 81:83, Атланта – Филаделфија 107:96, Мајами – Орландо 97:96, Детроит – Њујорк 77:87, Мемфис – Портланд 91:85, Њу Орлеанс – Лос Анџелес Лејкерс 102:108, Минесота – Вашингтон 87:82, Далас – Хјустон 112:108, Сан Антонио – Чикаго 101:83, Феникс – Торонто 71:98, Лос Анџелес Клиперс – Милвоки 117:101 и Голден Стејт – Сакраменто 87:83.
Вечерва играат: Њујорк – Оклахома Сити и Денвер – Лос Анџелес Клиперс.
Пласман Источна конференција: Мајами 45-14 (победи-порази), Њујорк 37-21, Индијана 38-23, Бруклин 35-26, Атланта 34-26, Чикаго 34-27,…
Пласман Западна конференција: Сан Антонио 48-14, Оклахома Сити 44-16, Лос Анџелес Клиперс 44-19, Мемфис 40-19, Денвер 40-22, Голден Стејт 35-27,…