Да се направи анализа што е направено во овие 4 години во Кочани резултатите се многу оскудни. До овој момент Владата на Република Македонија има само една програма, а тоа е инвестиција во Скопје 2014, другите градови не се интересни за Владата, изјави лидерот на ВМРО-НП Љубчо Георгиевски.
Инвестиции требаше да има во Источна Македонија, во Централна Македонија во Западна Македонија, ваквата катастрофална политика, каде што милиони и милиони евра се концентрирани само во главниот град, а цела Источна Македонија нема проект кој тежи 10 милиони евра е економски удар. Резултатот е јасен – масовно селење на Источна Македонија, додаде лидерот на НП.