Вицепремиерот задолжен за економски прашања Владимир Пешевски, рече дека Македонија бележи позитивен тренд во туризмот. Укажа дека во 2011 година бројот на туристи изнесувал околу 650 илјади годишно, а зголемување од 25 проценти имало и кај странските туристи.
„Во 2012 година очекуваме подобри резултати, иако сме сведоци дека во Европа поради должничката криза и опасностите од подолга рецесија приходите од туризмот во туристички најсилните дестинации се намалуваат. Кај нас годинава тоа не е случај. Податоците за април говорат дека има зголемување од 9,6 проценти кај бројот на туристи, за 14,4 проценти кај странските туристи и за 3 проценти кај ноќевањата, нагласи Пешевски, одговарајќи му на Александар Николовски од ВМРО-ДПМНЕ за тоа какви се очекувањата во туризмот.
Истакна дека Владата гледа во туризмот голем потенцијал за развој и поради тоа во изминатиот период се преземени голем број активности кои се во насока на подготовка за посериозен прилив на странски туристи.