Тројца соработници на тајните служби нема да може да учествуваат на локалните избори откако Комисијата за лустрација утврди дека не го исполнуваат дополнителниот услов за вршење јавна функција, јави Прес 24.
Станува збор за еден независен кандидат за советник, уште еден предложен од ДПА, и еден кадар на владејачката коалиција, исто така предложен за член на советите во една од општините.
Нивните решенија веќе се во државната изборна комисија која на седницата која почнува во моментов, треба само да ги потврди и да побара од партиите да предложат други кандидати.