На социјалните мрежи кружат фотографии од двајца полицајци во Тексас како водат Афроамериканец врзан со јаже по улица.
Инцидентот се случил во саботата во градот Галвстон. Наместо лисици, го врзале 40 годишниот маж со јаже и го повеле со себе.
Актот предизвика револт, посебно помеѓу Афроамериканците на социјалните мрежи кои споменуваат дека таа сцена ги потсетува на периодот на ропство од 19от век.
По инцидентот шефот на локалната полиција се извини и наведе дека таквото приведување претставува „непотребно срамотење“.
„Верувам дека нашите полицајци лошо ја процениле ситуацијата во овој случај и дека можеле да почекаат друга единица со автомобил.“, наведе тој и додаде дека полицајците немале лоша намера.
Приведениот маж подоцна е ослободен со кауција.