Претседателот на Украина, Владимир Зеленски, гласаше со својата сопруга на вонредните парламентарни избори.
Зеленски поткако гласаше рече дека новиот премиер на Украина треба да биде професионален економист, а не политичар.
“Тоа можеби нема да им се допадне на некои луѓе кои се обидуваат да влезат во парламентот, бидејќи тие се гледаат на тоа место.Сметам дека овој човек (новиот премиер) треба да биде професионален економист, кој нема политичко минато. Би сакал тоа да биде апсолутно независен човек кој никогаш не бил премиер, претседател на парламентот или претседател на партија “, рече Зеленски.
Тој рече дека веќе консултирал некои луѓе за кандидатурата за функцијата премиер.
Денеска во Украина се одржуваат вонредни парламентарни избори.