Претседателот на кризниот штаб за заштита и спасување од Куманово, Зоран Павловски изјави дека се формирани пет комисии кои од денес ќе излезат на терен, за да ги проценат штетите од поплавите.
-Ќе ги посетиме куќите на улицата „Никола Тесла“, Долно Којнаре, Бејтови Ниви, Проевце, и кај Митев мост, а утре на други локации.
– Ќе одиме и во селата Клечовце, Довезенце, Пчиња, Шупли Камен и сметам дека за неколку дена комисиите ќе скенираа и направат записници за финален извештај, кој во краток рок ќе помине на Совет на Општина Куманово. Досега 100 домаќинства поднеле барања, а мислам дека ќе се пријават над 350 – истакна Павловски.
Павловски нагласи дека рокот за пријавување на штетите е до 5-ти март.
Елена Георгиевска