Нервозата на Мицкоски и ВМРО ДПМНЕ е голема затоа што не можат да го одбранат криминалот на режимот, велат реагира СДСМ откако опозициската ВМРО-ДПМНЕ рече дека вчерашните апсења се политички прогон.
„Мицкоски се плаши од правдата. Особено имајќи предвид дека осомничениот Димитар Димовски е дел и од заедничката фирма токму со Мицкоски, која добива државно земјиште за бизнис со хидроцентрали од владата на Груевки.
Колку тоа да не им се допаѓа на ВМРО-ДПМНЕ и Мицкоски, сите што прекршиле закон мора да понесат одговорност, пред надлежните правосудни органи.
Времето кога судството и обвинителството беа партиски органи заврши со заминувањето на ВМРО-ДПМНЕ во опозиција. Законите важат за сите подеднакво, секој што прекршил закон мора да одговара.“, се наведува во соопштението на партијата.
