Премиерот Зоран Заев од собраниската говорница кажа дека имало селективна правда во случаите за убиството на Никола Саздовски и малиот Алмир.
Ова Заев го кажа по прозивките на пратеникот Зијадин Села, дека има селективна правда, во случајот со братот на Ел чека, за кој беше кажано дека е уапсен, но подоцна и самиот појасни дека не е уапсен и бил во полиција да пријави протест.
– Имам чувство на горчина, затоа што нема воедначена правда. Не беше иста правдата за Алмир и Саздо. Знам и чувствувам горчина затоа што немаше ист третман. Затоа од овде упатувам јавна порака до суд, судија, да се исправи пред правдата и да работи по словото на законот. Немам намера да интервенирам, но лично ќе се заинтересирам за Блерим Амеди. Секој има право на слободно изразување и протест, фрлав боја и платив казна 450 евра, рече Заев.
Убијците на Никола Саздовски добија по 19 години казна затвор за делото убиство, а за малиот Алмир, Бобан Илиќ доби 6 години затвор за делото „тешки дела против безбедноста на луѓето во сообраќајот“.
