Средношколците од гимназијата „Арсени Јовков“ денеска ги прикажаа филмовите, кои ги сработија преку креативните работилници организирани во рамки на Проектот на УСАИД за меѓуетничка интеграција во образованието.
Животот на средношколците како и различните ситуации кои ја пренесуваат пораката за почитување на различностите се централна тема на филмовите.
Во холот на средното училиште младите собрани без разлика на етничката припадност, преку насмевките и радоста како и спонтаните аплаузи за време на проекцијата прикажаа дека пораката е примена и постојат начини за надминување на поделбите меѓу младите и во општеството.
Филмовите и денешниот настан во СОУ Арсени Јовков, воден од најактуелните актери во Македонија во овој момент, Сашко Коцев и Луран Ахмети, кои без двоумење прифатија да бидат дел од оваа убава приказна, треба да бидат пример за тоа како треба да се развива соживотот во Македонија.
Превземено од Актив