Министерството за внатрешни работи излезе во пресрет на граѓаните на општина Демир Хисар и општина Крушево и го одобри барањето за добивање на сопствени
регистарски ознаки на возилата.
„Донесена е одлука за изменување на правилникот за регистрационите подрачја за возилата и нивни ознаки кој е објавен во Службен весник на Република Северна Македонија од 07.06.2019 година и стапува во сила осмиот ден од денот на објавувањето.
За регистарското подрачје Демир Хисар ознаката на регистарските таблици е DH, а за регистарското подрачје Крушево ознаката на регистарските таблици е KS.“, соопшти МВР.