Полицијата во Тирана заплени сто килограми марихуана и уаспи три лица кои ја транспортирале дрогата.
Портпаролката на полицијата во Тирана, Алма Катраѓини, на прес конференција соопшти дека се уапсени албанските државјани Фатмир Зеќај, Сокол и Еди Мечај.
Таа додаде дека тројцата се уапсени на улицата „Ирфан Тормини“ во моментот кога ја транспортирале марихуаната, јави дописникот на МИА од Тираа.
– Запленетата марихуана требало да заврши на тиранскиот нарко пазар. Полицијата продолжува со истрагата за идентификација на други лица вмешани во трговијата со дрога, изјави Катраѓини.
Од почетокот на годинава само албанската полиција има запленето околу два тона марихуана, главно произведена во селото Лазарат, познато по производство на холандски сорти канабис сатива.