ВИДЕО: Околу 1.000 матуранти од Скопје традиционално одиграа квадрил на плоштадот „Македонија“

Од:

На плоштадот „Македонија“ околу 1.000 матуранти учествуваа на традиционалната манифестација „Матурска парада 2019“, каде го одиграа квадрилот.

Освен во Скопје, парадата на матуранти се одржа и во Охрид, Струга, Гевгелија, Струмица и Валандово.

Организаторот на настанот Никола Глигоров од Дирекција за култура и уметност посочи дека е задоволен од овогодинешната организација.

– Задоволен сум што и оваа година по 13-ти пат успеавме да ја одржиме оваа манифестација. Интересот кај матурантите од година во година расне. Веќе стана препознатлива манифестација. Се спроведува во околу 60-70 градови од Југоисточна Европа, наведе Глигоров.

Посочи дека подготовките за „Матурска парада 2019“ се спроведувале во текот на второто полугодие.

Градоначалникот на Град Скопје Петре Шилегов им посака успешен упис на посакуваните факултети на матурантите.

Манифестацијата „Матурска парада 2019“ е поддржана од Град Скопје, Агенцијата за млади и спорт и Канцеларијата на ЕУ во Скопје.

Парадата на матурантите почна да се организира во 2001 година во Љубљана, а во државава првпат се одржа во 2007 година во Скопје и во Охрид.

Би можело да ве интересира

Ѓорѓиевски: Да живее слободно Скопје

Левица: Извештајот на Европската комисија забележува дека ДПМНЕ подготвува европска престолнина на културата по вмровски рецепт за партиска контрола и нетранспарентно трошење

(ВИДЕО) Полицијата го казни возачот кој со автомобил возеше по велосипедска патека во Скопје

А1он

Тројца скопјани и струмичанец крадеа и убија две жртви во Ѓорче Петров

Горан Наумовски

Ѓорѓиевски: Кобилата и ждребето родено на улица во главниот град згрижени во ЗОО, МЗШВ и АХВ да постапат

Предраг Петровиќ

Бела ноќ повторно во Скопје

Предраг Петровиќ