Едно лице загина, а две се повредени во тешка сообраќајна несреќа што се случила 15 минути по полноќ на магистралниот пат Охрид – Кичево во близина на „Жито Караорман“ на булеварот што поминува низ Кичево.
Портпаролот на СВР Охрид Стефан Димоски информира дека на самото местот животот го загубил Л.Е. роден 1991 година од Кичево, а возачот Д.М. роден 1984 година и уште еден сопатник А.А. се полесно повредени и пуштени се на домашно лекување.
До несреќата дошло откако возачот на патничкото моторно возило „мерцедес“ управувано од Д.М. кое се движело кон Охрид изгубило контрола и излетало преку зелениот појас на булеварот и директно удрило во метален електричен столб.
Според првичните информации на полицијата, причина за несреќата е пречекорување на дозволената брзина.
Увид на местото извршиле полициски екипи, истражен судија и јавен обвинител од Основниот суд – Кичево.