[staff name=”Јасна Атанасова” position=”Автор”][/staff]Веќе во 66 училишта низ Македонија се користат интерактивни електронски табли, кои се всушност компјутерски монитори осетливи на допир.
Електронските табли ги промовираа денеска министерот за образование и наука, Панче Кралев, и главниот извршен директор на Македонски Телеком, Даниел Сас, во основното училиште „Кирил и Методиј“.
– Учениците позитивно реагираат на овие интерактивни табли, а од реакциите и на наставниците станува збор за еден проект кој наиде на огромна поддршка во сите училишта каде беше овозможен. Нашата цел како Министерство за образование и наука е да продолжиме и во иднина со новата технологија во училниците во Македонија, изјави министерот Кралев на денешната официјална промоција на интерактивните табли.
Таблите се донација од Телеком и сега ги има во 54 основни и 12 средни училишта, а чини 165 илјади евра.
Обуката за нивно користење ја поминале околу 130 наставници. За интерактивната табла се користи видео проектор, како и соодветна компјутерска програма поставена на компјутерот кој го употребува професорот.
Кога нема презентација на компјутерски подготвена содржина, таблата се користи како обична бела табла на која може да се пишува со фломастер.
Се очекува сите табли да бидат заменети од интерактивни табли.