Mинистерот за надворешни работи на Србија Иван Мркиќ на покана на шефот на македонската дипломатија Никола Попоски денеска ќе престојува во еднодневна официјална посета На Македонија.
Се очекува двајцата министри да разговараат за билатерални односи, со акцент на можностите за продлабочување на соработката во економијата, енергетиката и транспортот.
Најавено е и потпишување Спогодба за соработка во евроинтеграциите меѓу Република Македонија и Република Србија, како и Спогодба меѓу двете држави за платено работење на лица издржувани од членови на ДКП.
За време на престојот, српскиот министер Мркиќ ќе биде примен и од претседателот на Република Македониа Ѓорге Иванов и од претседателот на Владата Никола Груевски.