Двајца вработени од Град Скопје, Ј.С. и Е.С., утрово се приведени од работно место поради сомнение за злоупотреба на службена положба, компјутерска измама и компјутерски фалсификат, информираше портпаролот на МВР, Тони Ангеловски.
Станува збор за шалтерски работници од секторот за даночни пријави.
Од МВР велат дека работат на расчистување на случајот, а за повеќе информации јавноста дополнително ќе биде известена.
Виктор Јованов