Едно лице се здобило со телесни повреди во една од петте сообраќајки во текот на вчерашниот ден, а во четири била причинета материјална штета.
Од СВР Скопје информираат дека вчера сообраќајната полиција санкционирала 48 возачи кои возеле побрзо од дозволеното, шест возачи кои поминале на црвено светло и четворица возачи за неправилно престројување.
Од сообраќај биле исклучени двајца возачи од кои двајца возеле под дејство на алкохол, 15 возачи пред да се стекнат со правото на управување на моторно возило и еден возач почетник. Биле исклучени и седум нерегистрирани возила.
Санкционирани се и еден возач за непоседување зимска опрема, 10 за неносење сигурносен појас и 26 возачи кои зборувале на мобилен телефон додека возеле како и двајца пешаци кои поминале коловоз вон пешачки премин.
Затекнати биле 105 возила непрописно паркирани, а со помош на специјалното возило „пајак“ отстранети се 83 возила.