Три кинески бродови денеска навлегоа во територијалните води на островите Сенкаку, кои се под контрола на Јапонија, а кои Кина ги нарекува Дијаоу и е во спор со Токио околу нив, соопшти јапонската крајбрежна стража.
– Јапонија не може да го прифати ова, изјави јапонскиот министер за надворешни работи Фумио Кишида, кој го изрази незадоволството на Токио пред кинескит амбасадор во Јапонија.
Пекинг редовно испраќа бродови и авиони во околината на спорните острови, откако Јапонија национализира во септември три од островите во Источнокинеското Море и прогласи суверенитет врз целиот архипелаг. Тоа предизвика бран од антијапонски протести во Кина.