Синоќа Далас Маверикс го совлада Сакраменто Кингс, со резултат 123-100, а Винс Картер потсети на своите најдобри денови.
За 22 минути поминати на паркетот Картер, имаше одличен процент на удар од игра, каде погоди 9 од 15 удари од кои 6 од 9 зад линија 7,24.
Картер со своите 26 поени од синоќешниот натпревар го престигна на вечната листа поранешниот играчот на Селтикс, Лари Бирд.
Бирд во својата кариера има постигнато 21.791 поен, додека Картер сега има 21.796 поени и се наоѓа на 29-та позиција. Многу е извесно дека Картер ќе го помине и Гери Пајтон, кој има постигнато 21.813 поени, а не е далеку ниту од Клајд Дрекслер со 22.195 поени.