Делегации на Република Ирска и Република Финска денеска престојуваат во работна посета на Република Македонија, чиј домаќин е заменик претседателот на Владата Бујар Османи.
Делегациите ги предводат државната министерка за европски прашања на Република Ирска Хелен Мекенти, како и државниот секретар при Министерството за надворешни работи на Финска Самули Виртанен.
По средбата на делегациите во Секретаријатот за Европски прашања, како што информираат од кабинетот на Османи, предвидено е одржување на заедничка тематска прес-конфернеција.
Вицепремиерот Бујар Османи, на почетокот на овој месец, беше во официјална посета на Финска, во рамки на која се запозна со приоритетите на финското претседавање со ЕУ.
