Македонската филхармонија, специјално за Денот на вљубените – 14 Февруари, вечер ќе одржи концерт на кој ќе изведе избор од песни и композиции, кои ја одбележаа музичката историја и станаа незаборавни романтични хитови за сите генерации.
Под диригентската палка на Саша Николовски-Ѓумар, ќе прозвучат најубавите љубовни песни од Френк Синатра, Дин Мартин, Роксет, Битлси, Квин, како и џез и блуз композиции, кои ќе бидат изведени во оркестарска верзија.
Дел од композициите ќе прозвучат со вокалот на истакнатиот египетски џез и естраден музичар Ахмед Харфуш, кој активно настапува како солист и дел од неговиот џез бенд.
Концертот ќе се одржи во Салонот на Македонската опера и балет, со почеток во 20 часот.