Републичкото Собрание денеска ќе одржи продолжение на 54. седница со расправа за предлог законите за изменување и дополнување на законите за работните односи, за безбедност и здравје при работа, за градежно земјиште и за градење, сите по скратена постапка.
На деневен ред на второто продолжение на 54. седница се и Предлог законот за дополнување на Законот за шумите и предлог законите за изменување и дополнување на законите за минерални суровини и за банките, по скратена постапка и во прво читање.
Пратениците треба да се изјаснат и за Предлог законот за изменување и дополнување на Законот за енергетика, во прво читање, поднесен од 13.169 избирачи, предложените измени на Законот за Академија за судии и јавни обвинители, во прво читање, на предлог на пратениците Илија Димовски и Благородна Дулиќ, како и Предлогот на закон за дополнување на Законот за пратениците, во прво читање, поднесен од пратениците Изет Зеќири и Фламуре Демири-Креци.