Земјотрес со магнитуда од 4,1 степен според Рихтеровата скала е регистриран денес во близина на руското одморалиште Сочи, објавено е денес на порталот на Европско-медитеранскиот сеизмолошки центар.
Се наведува дека епицентарот на земјотресот е детектиран осум километри од одморалиштето во областа Лазарев, на длабочина од 10 километри.
Жителите на Сочи пријавија мало тресење и нишање на социјалните мрежи.
Земјотресот го почувствувале жителите што живеат поблиску до епицентарот, а засега нема официјални информации за жртви или материјална штета.
