Украина сега работи многу прецизно со Соединетите Американски Држави на документи за безбедносни гаранции, изјави вечерва претседателот на Украина – Володимир Зеленски, објави агенцијата Интерфакс-Украина.
„Доколку Русија е подготвена да престане да го таргетира нашиот енергетски сектор, ние ќе бидеме подготвени да го сториме истото. И овој наш предлог, кој го пренесоа Американците, беше пренесен и на руската страна“, рече Зеленски.
Тој додаде дека безбедносните гаранции се клучни за вистински крај на војната и траен мир.
„Важно е нашите партнери да нè слушаат по ова прашање и да продолжиме да остваруваме продуктивен напредок во преговорите“, рече Зеленски, додавајќи дека Украина е во контакт со САД речиси секојдневно на различни нивоа.
