Украинскиот претседател Володимир Зеленски денес изјави дека во Обединетите Арапски Емирати се одржа состанок на американската, украинската и руската делегација и дека е важно Русија да е подготвена да ја заврши војната што ја започна, исто како што Украина сака таа војна да заврши.
„Украинските претставници ме контактираат речиси секој час – тие моментално се во Емиратите. Денес има украински, американски и руски делегации, а разговорот веќе се одржа. Ова е важно, бидејќи долго време немало вакви трилатерални формати на состаноци. Тие разговараат за параметрите за завршување на војната. Сега треба да имаат барем дел од одговорите од Русија, а главната работа е дека Русија е подготвена да ја заврши оваа војна, која ја започна“, рече Зеленски во своето вечерно обраќање, пренесува Укринформ.
Тој рече дека позициите на Украина се јасни и дека ја дефинирал рамката за дијалог за украинската делегација.
„Делегацијата е постојано во контакт – Рустем Умеров, Кирило Буданов, Давид Арахамија, Серхиј Кислиција“ рече Зеленски.
