Украинскиот претседател Володимир Зеленски вечерва соопшти дека разговараше со американскиот претседател Доналд Трамп и дека се договорија да се сретнат во Њујорк.
„Штотуку разговарав со претседателот Трамп. Тоа беше важен разговор и опфативме многу теми. Се договоривме да се сретнеме во Њујорк, а таа средба би можела многу да промени. Дипломатскиот процес доби на интензитет“, објави Зеленски на платформата „Икс“.
I just spoke with President Trump @POTUS. An important conversation, and we got through a lot. We agreed to meet in New York, and this meeting could change a lot. There is diplomatic momentum.
I thanked the President for Steve Witkoff and Jared Kushner’s visit to Kyiv. We went through the key details thoroughly, and they saw the situation in Ukraine firsthand. The peace track is our number one priority.
There are ideas for de-escalation steps and for addressing fundamental security issues – energy security, food security, and the protection of human life. We are working together with the American team and are ready to take really serious steps.
I thanked the American President for signing the Lindsey Graham bill into law. We all concur – there must be peace. Thank you to everyone who stands with Ukraine! Thank you to everyone who’s helping!
— Volodymyr Zelenskyy / Володимир Зеленський (@ZelenskyyUa) September 20, 2026
Средбата треба да се одржи за време на престојот на светските лидери во Њујорк по повод Генералното собрание на ОН.
Зеленски претходно најави дека планира средба со Трамп во Њујорк.
Во објавата, Зеленски му се заблагодари на Трамп за неодамнешната посета на неговите пратеници, Стив Виткоф и Џаред Кушнер, на Киев.
„Му се заблагодарив на претседателот за посетата на Стив Виткоф и Џаред Кушнер на Киев. Детално ги разгледавме клучните прашања, а тие лично се запознаа со ситуацијата во Украина. Мировниот процес е наш врвен приоритет“, напиша тој.
Виткоф и Кушнер го посетија Киев на 6 септември, откако претходниот ден во Москва три часа разговараа со рускиот претседател Владимир Путин. Тоа беше нивна прва посета на украинскиот главен град во улога на мировни пратеници на Трамп. По разговорите во Киев, тие изјавија дека американската администрација се обидува повторно да ги покрене преговорите за завршување на војната.
Зеленски изјави дека постојат предлози за чекори за намалување на тензиите, како и за решавање на клучните безбедносни прашања.
„Постојат идеи за чекори кон деескалација и за решавање на фундаменталните безбедносни прашања – енергетска безбедност, безбедност на снабдувањето со храна и заштита на човечките животи. Работиме заедно со американскиот тим и подготвени сме да преземеме навистина сериозни чекори“, рече тој.