Европската агенција за безбедност на воздушниот сообраќај „Евроконтрол“, синоќа соопшти дека украинските власти го затвориле воздушниот простор над источниот дел на земјата, по падот на малезискиот авион со околу 300 патници.
– По несреќата украинските власти го информираа „Евроконтрол“ дека го затвораат воздушниот простор во источниот дел на Украина. „Евроконтрол“ ги откажа сите летови, што според планираното, требало да минат низ овој простор. Тие ќе останат затворени до следните инструкации, се наведува во соопштението.
Авионот на „Малезија ерлајнс“ на летот МН17 од Амстердам до Куала Лумпур се урна вчера во источниот дел на Украина, во близина на границата со Русија.