Активностите поради кои беше приведен новинар во Екатеринбург не се поврзани со новинарството, напиша денеска на својот канал Телеграм портпаролката на руското Министерство за надворешни работи, Марија Захарова.
„Она што вработен во американското издание на Wall Street Journal го правеше во Екатеринбург немаше никаква врска со новинарството. За жал, ова не е првпат статусот на странски дописник, новинарска виза и акредитација, странските државјани во нашата земја да ги користат за прикривање на активности кои не се новинарство. Ова не е првиот познат западен поединец кој е фатен на дело“, нагласи Захарова.
Претходно денеска, Центарот за односи со јавноста на Федералната служба за безбедност изјави за Тас дека офицерите на ФСБ, под сомнение за шпионажа, уапсиле американски државјанин, Еван Гершкович (32), акредитиран во Министерството за надворешни работи, кој работи како дописник за Москва од канцеларијата на Wall Street Journal.
Според ФСБ, „утврдено е дека Гершковиќ, како агент на американската страна, собирал строго тајни податоци за активностите на компаниите на рускиот воено-индустриски комплекс“.