Руското Министерство за надворешни работи денеска го обвини НАТО дека се обидува да ја претвори Молдавија во логистички центар за снабдување на украинската армија и дека се обидува да ја приближи својата воена инфраструктура до Русија.
Портпаролката на Министерството, Марија Захарова, на брифинг со новинарите изјави дека мнозинството од населението на Молдавија не сака таа земја да влезе во Алијансата, пренесува РИА.
Зборувајќи за ситуацијата во Придњестровје, Захарова укажа на тврдењата на руските разузнавачки служби, според кои претседателката на Молдавија, Маја Санду, се подготвува за војна.
„Додека нашите земји го слават Божиќ, Кремљ избира уништување – ја таргетира украинската енергетска инфраструктура и го нарушува молдавскиот воздушен простор со проектил – што се дејствија кои јасно го прекршуваат меѓународното право“, рече Санду.
Претседателката на Молдавија, исто така, рече дека нејзината земја ги осудува овие напади.