За Хилари Клинтон политиките на администрацијата на Трамп се опасни и глупави

Од:

Поранешниот демократски претседателски кандидат на САД – Хилари Клинтон ги нарече политиките на администрацијата на претседателот Доналд Трамп опасни и глупави, заклучувајќи дека тој ќе ги направи САД слаби и без пријатели.

Таа во својата статија за Њујорк Тајмс остро го критикуваше скандалот со групниот чет на Сигнал, како и политиката за намалување на вработените во федералните служби што ја спроведува Илон Маск.

Поранешната државна секретарка изјавила и дека не и пречи лицемерието, туку глупоста на новата администрација.

Таа најпрво се осврна на скандалот со групниот разговор кога советникот на Трамп за национална безбедност, Мајк Волц, кога по грешка додаде добро познат новинар во мала група со владини функционери, вклучувајќи го и секретарот за одбрана Пит Хегсет, кои споделуваа детали за претстојниот напад врз милитантната група Хути во Јемен.

Таа група го вклучуваше и потпретседателот Џеј-Ди Венс, кој повторно го критикуваше потпирањето на Европа на американската воена безбедност.

Клинтон тврди дека високите функционери на Трамп ги загрозиле американските војници споделувајќи воени планови на апликација за пораки и по грешка вклучиле новинар, додавајќи дека тоа е глупаво и опасно.

Според неа, тоа е последниот во низата неуспеси на новата администрација што ја троши силата на Америка и ја загрозува националната безбедност.

Клинтон беше особено остра во критиките за укинувањето на Американската агенција за меѓународен развој (УСАИД).

– Во опасен и сложен свет не е доволно да се биде силен. Мора да бидете и мудри. Како државен секретар под претседателот Барак Обама, се залагав за паметно владеење кое ја интегрира цврстата моќ на нашата војска, меката моќ на американската дипломатија, развојната помош, економската сила и културното влијание – напиша таа.

Според неа, сето ова заедно ја прави Америка суперсила.

Клинтон рече дека, наместо тоа, Трамп води ограничена политика што ќе ги направи САД слепи, слаби и без пријатели.

Таа заклучи дека се чини дека администрацијата не знае по кој пат да тргне и која е нејзината стратегија.

– Трамп се коцка со националната безбедност. Ако вака продолжи, скандалот со групниот разговор ќе ни биде најмалата грижа – изјави Клинтон.

Би можело да ве интересира

Хилари Клинтон: Трамп ќе се обиде да го повтори нацистичкиот собир во Њујорк од 1939 година

Хилари Клинтон го спореди Трамп со Хитлер: Тој ќе стави крај на демократијата во САД

Трамп и неговите адвокати казнети со речиси еден милион долари за тужба против Клинтон

Ана Ололовска

Клинтон: Колку помалку руски војници во Украина толку помалку силувани и убиени жени

Ана Ололовска

Хилари Клинтон нема повторно да се кандидира за претседател на САД

Хилари Клинтон заразена со коронавирусот

Ана Ололовска