Локалниот суд во сиромашната држава Чатисгар во централна Индија, го осуди вчера 32 годишниот Дилипа Ратију на смрт со бесење затоа што убил мало дете со сечење на главата.
-Ние докажавме дека обвинетиот ја отсекол главата на детето и ја пренел на локалната божица како жртва да има повеќе среќа во животот- изјавил полицаеот Прафул Такур за АФП.
Целиот случај е обелоденет кога полицијата пронашла скелет на момче без глава во селото Барпали- 195 километри североисточно од Рајупур.
Судските патолози утврдиле дека скелетот му припаѓа на 11 годишното момче Правен кој исчезнал уште во февруари 2013 година.
Обвинетиот се бавел со „вештерство“ и е осуден за убиство, криење на докази и давање на лажни информации.