Возило во кое се наоѓаше јапонскиот премиер Шигеру Ишиба рано утринава удри во полициски автомобил на семафор во префектурата Тотори во западна Јапонија, а премиерот не е повреден, соопштија владини претставници.
Официјалните лица рекоа дека колоната што го придружувала Ишиба запрела неколку минути на местото на инцидентот пред да продолжи кон аеродромот Тотори, од каде премиерот се врати во Токио.
Во Тотори, неговиот роден град, Ишиба ги посети гробовите на своите родители, како и родното место, објави Кјодо.