Во Венецуела е запленета голема количина оружје и муниција за кои е утврдено дека се испратени од Соединетите Американски Држави, јави агенцијата Анадолија.
Министерството за јавна безбедност на Венецуела преку „Твитер“ соопшти дека во магацинот на меѓународниот аеродром „Артуро Микелена“ во Валенсија, е запленето големо количество оружје и муниција испратени од градот Мајами.
✔19 fusiles
✔118 cargadores de fusil
✔4 porta fusil
✔3 miras para fusil
✔90 antenas de radio
✔6 teléfonos fueron hallados en el patio de almacenamiento del aeropuerto de Valencia los cuales ingresaron al país el #3Feb en el Air Bus N881YV procedente de Miami,EEUU #5Feb pic.twitter.com/5wnBFnxaFt— GD Endes Palencia Ortiz (@PalenciaEndes) February 5, 2019
Заменик-министерот за јавна безбедност, Ендес Паленсија, на „Твитер“ објави фотографии од запленетото оружје и муниција. Тој соопшти дека во магацинот се пронајдени 19 пушки и 118 шаржери од американско производство, муниција со голем калибар, неколку десетици апарати за комуникација, меѓу кои и шест мобилни телефони.
Паленсија изјави дека е утврдено оти запленетото оружје и муниција на 3 февруари биле доставени со авион од Мајами, пренесува Анадолија.