По силното обезвреднување на националната валута – гривната, минималната плата во Украина е пониска од онаа во африкански или азиски држави, објави Украинската телевизија.
Работник во Украина добива просечно 42,6 долари (1218 гривни) месечно. Во споредба – во Бангладеш, Гана или Замбија платата е 46,6 долари месечно.
Од соборувањето на претседателот Виктор Јанукович по масовни протести пред една година, националната валута загуби над 70 отсто од вредноста. Во времето на СССР Украина беше меѓу најбогатите региони во државата, јави ДПА.