Тајландските власти соопштија дека заплениле 980.000 таблети амфетамини, во вредност од шест милиони долари.
Таблетите, кои кај уживателите создаваат еуфорична состојба, биле пронајдени при проверка на камион на „Златниот триаголник“ на дрогата, соопшти полицијата.
Една таблета на црниот пазар се продава за 200 тајландски бахти (шест долари).
„Златниот триаголник“, кој го опфаќа северот на Тајланд, дел од Мјанмар и Лаос, долго време е место на производство и трговија со дрога, вклучувајќи опиум, а се повеќе и на амфетамини.
Според податоците на службите на ОН за дрога, во тој регион годишно се произведуваат 1,4 милијарди амфетамини, чија вредност на црниот пазар изнесува 8,5 милијарди долари.