Жестоките судири од рано изутрината продолжуваат во Салдехин. Бомбардирање и директни судири помеѓу владините и востаничките сили се одвиваат и во уште неколку други градови на Сирија во кои погинати се најмалку 12 луѓе.
„Убиено е едногодишно дете, а неговиот брат и мајка се ранети во близина на локалитетот Маскана во покраината Алеп, каде од четвртокот се одвиваат борби со до сега незабележан интензитет„ – јавуваат невладините организации за заштита на човекови права.
Владината војска и востаничките сили се борат веќе два месеци за превласт над втoриот по големина град во Сирија, а интензитетот на борбите се засили во четвртокот приквечер откако востаниците објавија дека тргнуваат во одлучувачки битки за запоседнување на градот.