Шпанската полиција соопшти дека запленила 32 тони марихуана со улична вредност од 64 милиони евра, што е рекордна сума досега во Шпанија и во светот. Полицијата изврши рација на голем број фарми и објекти низ Шпанија во операцијата наречена Градини. Уапсени се девет мажи и 11 жени на возраст од 20 до 59 години.
„Цивилната гарда ја заплени најголемата понуда на пакувана марихуана досега“, соопштија безбедносните сили. „Тоа е еквивалент на приближно 1,1 милион растенија“. Полицијата соопшти дека групата ја сушела марихуаната, ја пакувала и ја испраќала во делови од Шпанија, Швајцарија, Холандија, Германија и Белгија. Членовите на бандата минатиот месец беа уапсени во Толедо, Сиудад Реал, Валенсија и Астурија, но јавноста за деталите од операцијата беше информирана дури во саботата.