Шпанската полиција објави уапсила група која управувала со три фабрики за тутун во кои биле вработени Украинци кои по руската инвазија побегнале во Шпанија и живееле преполни во монтажни фабрички згради.
Уапсените се обвинети за шверц на големи количини тутун, кои се користеа за правење фалсификувани цигари, кои потоа се продаваа низ Шпанија и соседните земји, се вели во соопштението на Цивилната гарда.
Во рамките на истрагата спроведена со помош на Европол, во Шпанија се уапсени 27 лица и запленети се десет тони листови тутун и околу три ипол милиони кутии цигари во вредност од 37,5 милиони евра. Сите три фабрики, лоцирани во винскиот регион Ла Риоха на северот од земјата, јужниот регион Севиља и Валенсија на истокот од земјата, биле опремени со машини за „напредна технологија“, што им овозможуваше да произведат 540.000 кутии цигари на ден.