Американските авиокомпании денеска откажаа повеќе од 1.400 летови поради зимската бура што ги зафати државите од Тексас до Западна Вирџинија.
Откажани се 1.467 летови, домашни и меѓународни, а 527 се одложени, објави порталот FlightAware. Зимската бура во Тексас ќе трае барем до утре наутро.
„Тековната зимска бура ќе продолжи да носи опасно време во Северен и Централен Тексас“, соопшти Националната метеоролошка служба.
Вчера, Федералната управа за авијација предупреди дека патниците може да очекуваат снежни услови во одредени области, вклучително и Далас, Форт Ворт и Мемфис, што може да предизвика одредени одложувања на летовите.