Во Русија продолжуваат да пристигнуваат бегалци од Украина и покрај објавеното примирје во југоисточните украински области, изјави заменик директорот на руската федерална служба за миграција, Николај Смородин.
– И покрај примирјето, во Русија се уште пристигнуваат Украинци, и тоа меѓу 2.000 и 2.500 дневно, тврди Смородин.
Тој на прес-конференција во Женева нагласи дека бројот на Украинците, кои пристигнале во Русија, се зголемил за еден и полпати во споредба со минатата година.
– Во јуни оваа година барањата на украинските државјани за заштита и помош добија масовен карактер. Моментно во Русија има 2,6 милиони Украинци, а минатата година беа 1,6 милиони, додаде Смородин.