Во Романија денеска започна предизборната кампања за делумните локални избори, кои ќе се спроведат на 11 јуни, пренесе агенцијата Аџерпрес.
По 15 дена, гласачите од 49 населени места во вкупно 32 окрузи на земјата, ќе можат да гласаат за градоначалници.
Изборите беа распишани откако некои градоначалници беа избрани за пратеници на парламентарните избори во декември 2016 година, а други беа осудени за различни прекршоци и не можат да го реализираат својот мандат, појаснува Аџерпрес.
Предизборната кампања ќе заврши на 10 јуни.
Гласањето ќе започне на 11-ти јуни во 7.00 часот по локално време и ќе заврши во 21.00 часот.