Во Канада за првпат е конфискувана синтетичка дрога, 40 пати посилна од хероинот, соопшти канадската полиција.
Наркотикот се продавал во вид на таблети и го содржи опасниот опијат десметил фентанил.
Во седум рации извршени на 25 април запленети се над 300.000 таблети различни синтетички наркотици, како и 1,5 тони хемиски супстанци за производство на дрога.
Полицијата открила лабораторија за производство на таблети, конфискувала канабис, екстази и хашиш, а уапсени се две лица.
Дел од наркотиците биле испраќани во САД.
Полицијата запленила десметил, фентанил, етилкатион и пентадрон, хемиски супстанци кои можат да бидат до 40 пати посилни од хероинот.
На четворица полицајци им се слошило, а еден од нив е одведен во болница со трахикардија и висок крвен притисок и покрај тоа што носел маска за време на рацијата.