Индија забрани странски хомосексуални двојки или неженети двојки да користат услуги на индиски сурогат-мајки, јавија западни медиуми повикувајќи се на индиското МНР.
Во Индија има „бум“ на бизнисот со платено сурогат-мајчинство и се повеќе геј-двојки или неженети двојки од странство бараат таква услуга за да станат родители.
Со новите правила, испратени до странските амбасади, странски партнери кои сакаат Индијка да им го носи детето, да бидат „маж“ и „жена“, во брак најмалку две години. Бројот на Индијки кои ја одиграле улогата на сурогат-мајка за паричен надомест не е познат, но според медицински кругови тој бизнис е во подем, јавуваат западни медиуми. Во Индија се подготвува и нацрт-закон за регулирање на таа појава.