Велика Британија денеска регистрираше најниски температури во последните 26 години, откако беше зафатена од сибирски студ, а температурите се намалија до минус 23 степени Целзиусови во Шкотска.
Во местото Бремер утрово температурата достигна минус 23 степени, што не е забележано уште од 1995 година, а воедно тоа е најниска температура во февруари од 1955 година во Велика Британија.
– Можеме да потврдиме дека на 11 февруари ја имавме најстудената февруарска ноќ уште од 23 февруари 1955 година, соопшти британската метеоролошка служба.
Силните снежни врнежи предизвикаа проблеми во железничкиот сообраќај, а алармот за екстремни временски услови е вклучен за Шкотска, источниот брег на Англија и за Велс.
Властите ги замолија граѓаните да ги одложат сите патувања и излегувања со автомобил, освен најнеопходните.