Тим од лекари извршувале операција кога силен земјотресот со магнитуда од 8,8 степени го погодил градот Петропавловск-Камчатски, на далечниот исток на Русија, тресејќи ја нивната хируршка опрема и подот на операционата сала, но лекарите останале смирени. Министерството за здравство на Камчатка објави снимки од надзорните камери на кои се гледа како лекарите ги користат рацете за да се обидат да ја држат и стабилизираат и опремата и пациентот.
Doctors in Kamchatka kept calm during the powerful quake — and never stopped the surgery.
The patient is doing well, according to the Health Ministry#China #Tsunami #Earthquake #Russia #Hawaii #Japan #Sismo #Temblor #Tsunamiwarning #揺れ #地震 pic.twitter.com/fWiVKfxNbt
— Chaudhary Parvez (@ChaudharyParvez) July 30, 2025
„И покрај опасноста, лекарите останаа смирени и останаа со пациентот до самиот крај“, напиша министерот Олег Мелников на Телеграм.
Тој не сподели детали за операцијата, но додаде дека пациентот е надвор од опасност.
Земјотресот во Камчатка предизвика предупредувања за цунами дури до Француска Полинезија, Хаваи, Јапонија и Чиле, а по земјотресот следеше ерупција на најактивниот вулкан на полуостровот – Кључевски.
Руските научници проценија дека земјотресот во Камчатка е најсилниот што го погодил регионот од 1952 година. Американскиот геолошки завод соопшти дека земјотресот бил плиток, на длабочина од 19,3 км, со епицентар 119 км југоисточно од Петропавловск-Камчатск, град со 165.000 жители.