Средбата меѓу американскиот претседател Доналд Трамп и украинскиот лидер Володимир Зеленски започна во одморалиштето Мар-а-Лаго во Флорида.
LIVE: US President Donald Trump meets Ukrainian President Volodymyr Zelenskyy in Florida https://t.co/afeMp8X8Mk
— PresserWatch (@PresserWatch) December 28, 2025
Трамп го чекаше Зеленски пред влезот и откако се ракуваа, позираа за собраните новинари.
Оваа средба е уште еден во низата обиди за прекин на конфликтот во Источна Европа, кој започна со руската инвазија на Украина во февруари 2022 година и сега влегува во својата петта година.
Зеленски се согласи со европските сојузници за мировен план од 20 точки, според кој официјална Москва има големи резерви.
Зеленски претходно објави дека за време на состанокот во резиденцијата на Трамп во Флорида, ќе разговараат за судбината на спорниот регион Донбас, како и за иднината на нуклеарната централа Запорожје.
Зеленски се надева дека ќе го омекне американскиот предлог за целосно повлекување на украинските сили од Донбас.
Во случај на неуспех, како што објави порталот Аксиос, целиот план од 20 точки треба да се стави на гласање како дел од референдум, а за да се овозможи тоа гласање, Русија треба да се согласи на 60-дневно примирје.