Разорен земјотрес со јачина од 7,8 степени според Рихтеровата скала погоди делови од Турција и Сирија. Германскиот центар за геолошки истражувања соопшти дека земјотресот се случил на длабочина од 10 километри во близина на јужниот турски град Кахраманмарас, додека EMSC соопшти дека ја проценува можноста за опасност од цунами.
A 7.8 magnitude of earthquake hit Turkey a few hours ago, with shock wave felt in Syria, Lebanon, Cyprus and parts of Iraq. Thousands of casualties expected, may Allah protect them all.#earthquake#prayforthem pic.twitter.com/jMDdNfxgRF
— Muktar Salah (@GeoMukh) February 6, 2023
Бројот на загинати може да достигне до 10.000 луѓе, објави Американскиот геолошки институт (USGS). Според нивните проценки, има 47 отсто шанси тој да достигне меѓу 1.000 и 10.000 луѓе, додека има 27 отсто шанси бројот на жртви да достигне бројки меѓу 100 и 1.000, а 20 отсто шанси да достигне помеѓу 10.000 и 100.000.
In #Sanliurfa the moment a building collapsed recorded by mobile phone hours after 7.8 #earthquake hits Turkey. #deprem pic.twitter.com/YDc8DH9lbn
— JournoTurk (@journoturk) February 6, 2023
Министерството за одбрана на Сирија најави мобилизација на сите свои единици и ресурси, со цел учество во потрагата по преживеани и пружање помош на повредените.
„Сите наши тимови се во готовност. Издадовме тревога од четврто ниво… Ова е и повик за меѓународна помош“, изјави турскиот министер за внатрешни работи Сулејман Сојлу.
„Во овој момент не можеме да кажеме ништо точно за штетите и загубите на човечки животи“, рече тој, додавајќи дека има жртви и дека веќе се случиле 22 последователни потреси.
Гувернерот на провинцијата Газиантеп ги повика жителите да се соберат надвор.
Сириската државна телевизија објави дека зграда во близина на Латакија, на западниот брег на Сирија, се урнала по земјотресот. Провладините медиуми објавија дека неколку згради делумно се урнале во Хама, во централна Сирија.
Цивилната заштита и сириските пожарникари работат на извлекување на жртвите од урнатините.
Турскиот претседател бил информиран за земјотресот, соопшти турското претседателство.