Украинските сили, според информациите одговорија со беспилотни летала на вчерашниот масовен руски ракетен напад врз Киев и други градови. Вчера руската армија изврши насилен ракетен напад врз украинските градови, при што беше погодена најголемата детска болница во Украина.
⚡️The Russian Ministry of Defense reported a "massive drone attack." During the night, Russian air defenses allegedly shot down 38 drones in the Volgograd, #Belgorod, and #Rostov regions. pic.twitter.com/6iY1dRWL3J
— KyivPost (@KyivPost) July 9, 2024
Во нападите загинаа 41 лице, а 166 беа повредени кога руски проектил срамни дел од детската болница Охматдит – најголемата педијатриска установа во Украина, а потрагата по преживеани под урнатините продолжи денеска во раните часови.
Утрово пристигнуваат информации за значаен напад со украински беспилотни летала врз цели во Русија. Гувернерот на јужниот руски регион Ростов рече дека избувнал пожар во електраната откако Украина лансираше „десетици“ дронови.
Руското Министерство за одбрана соопшти дека Украинците извршиле „масовен напад со беспилотни летала“. Во текот на ноќта, тврди руското Министерство за одбрана, противвоздушната одбрана на територијата на Русија соборила 38 беспилотни летала во регионот на Волгоград, Белгород и Ростов.